გასულ სეზონზე პრიალა ჟურნალების ყდაზე ყველაზე ხშირად ბალმაინის ოქროსფერ კაბებს და მიუ მიუს სახალისო ტუალეტებს იხილავდით.

 მიმდინარე სეზონის აბსოლიტური ლიდერი კი მოდის სახლი პრადა გახდა, რომლის საინტერესო პრინტებმა, ზოლებმა და ფერადმა ბეწვმა უკვე 48 მოდის ჟურნალის ყდა გაალამაზა.

 მიუხედავად იმისა, რომ პუბლიკამ პრადას ეს კოლექცია არაერთგვაროვნად აღიქვა, ჟურნალების რედაქტორებმა ერთსულოვნება გამოხატეს და მოდის მიმდევრებს საგაზაფხულოდ პრადას პრინტების და ზოლების, ნათელი ფერებისა და სადა სილუეტების, ფერადი ბეწვეულისა და საგაზაფხულო სამოსის ერთმანეთან შეხამება შესთავაზეს.

 საერთო ჯამში Prada გამოჩნდა Vogue-ის, Harper's Bazaar-ის, Elle-ს, Marie Claire-ისა და კიდევ სხვა პრიალა ჟურნალებში, ხოლო სამოსი მოირგეს ჟიზელ ბუნდჰენმა, ამანდა სეიფრიდმა, ები კორნიშმა, ანა ვინტურმა და თავად ელტონ ჯონმაც კი.