პამელა ანდერსონმა გადაწყვიტა, რომ ყველამ თავისი საქმე უნდა აკეთოს, მიატოვა სამსახიობო კარიერა და მთელი თავისი ყურადღება ქალის გარდერობის სექსუალური ნაწილის გამოშვებაზე გადაიტანა. პამელამ საკუთარი ძალები კომპანია Secrets In Lace-სთან გააერთიანა და მათთვის წინდების დიზაინი შეიმუშავა, მიიღო მონაწილეობა მარკეტინგული სტრატეგიის დაგეგმარებაში და რა თქმა უნდა სარეკლამო კამპანიაში.

 Secrets In Lace-ის წარმომადგენელმა განაცხადა:

 ეს თანამშრომლობა იდეალურია. პამელა ანდერსონი სექსუალობის განსახიერებაა, ასევე შეიძლება ითქვას მისი დიზაინით შექმნილ წინდებზეც. მან იცის, როგორ გამოკვეთოს თავისი ღირსება და ეს ხაზიც ამის დასტურია.

 კოლექციას სახელწოდებაც შესაბამისი ეწოდა - Pamela Couture Collection. ის 100%-ით დამზადებულია ნეილონისგან. კოლექციაში შესულია ხუთი მოდელი. ფოტოსესიაში მონაწილეობა თავად პამელამ მიიღო. ბუნებრივი სექსუალურობისა და პროფესიონალური ფოტოშოპის წყალობით ბალზაკის ასაკში მყოფი მსახიობი არაჩვეულებრივად გამოიყურება. პამელას წინდები არც თუ ისე ძვირადღირებულია - თითოეულ წყვილს 40 დოლარად შეიძენთ.