6 დეკემბერს შანელმა 2012 წლის საკრუიზო კოლექცია წარმოადგინა.  შანელის ქალი მიემგზავრება აზიაში, იდუმალ და საოცრებებით აღსავსე ინდოეთში.  მოდის სახლის კრეატიული დირექტორი კარლ ლაგრფელდი როგორც ყოველთვის მოწოდების სიმაღლეზეა. მან შეძლო და მოახერხა ბრენდის თითქმის კონსერვატიული ესთეტიკის და კლასიკის შეხამება ეთნიკურ კოლორიტთან.

 თავად ჩვენება ჯონ ლენონის მუსიკის – Instant Karma–ს თანხლებით მიმდინარეობდა.  პოდიუმის მთელ სიგრძეზე სტუმრებისთვის გაშლილი იყო მაგიდა, სადაც თავმოყრილი იყო ათასგვარი ინდური ნუგბარი.  აღსანიშნავია ის ფაქტი, რომ თავად ლაგერფელდი ინდოეთში ნამყოფი არ არის, ალბათ ამიტომაც არის რომ კოლექცია ყველანაირად ზღაპრული გამოვიდა.