| |
დონატელა ვერსაჩე
მაღალი მოდის სამყაროში შვიდწლიანი პაუზის შემდეგ
ტრიუმფით დაბრუნდა. ლეგენდარული დიზაინერის კოლექციამ მზის
შუქი პარიზში გამართულ Couture Fashion Week–ის
ჩვენებებზე იხილა. დონატელას haute couture–ის
კაბები 2012 წლის გაზაფხული–ზაფხულის სეზონის ნამდვილი
აღმოჩენა გახდა.
2004 წელს დიზაინერმა მაღალი მოდა დატოვა, თუმცა პრეტ–ა–პორტეზე მუშაობა არ
შეუწყვეტია. მას შემდეგ რაც მივიწყებული ბრენდი
Versus აღადგინა, ხოლო უფრო მოგვიანებით
H&M–ისთვის ახალგაზრდულ ხაზზე
იმუშავა და საბავშვო კოლექციის გამოშვებაც გვაუწყა, მწვერვალების დასაპყრობად
მხოლოდ მაღალ მოდაში დაბრუნებაღა დარჩა და დაბრუნდა!
ბისერებით და მაქმანებით დეკორირებული სუპერ სექსუალური გრძელი კაბები, მინი
და კორსეტებიანი კაბები– ეს ყველაფერი შესრულებულია
დონატელა ვერსაჩეს ადვილად ამოსაცნობი ხელწერით.
ახალი კოლექციით აღფრთოვანებაში მოვიდა არა მარტო დამსწრე საზოგადოება,
არამედ პროფესიონალები – ფრანგული ვოგის რედაქტორი ანა
უინტერი და ემანუელ ალტა, მსახიობები კამერონ დიასი და
დიანა კრუგერი. |
