 |
|
ხანგრძლივი დროით
ძალების მობილიზება |
|
 |
ადამიანების
უმრავლესობა სიმხნევისთვის მაგარ ჩაის სვამს,
მაგრამ ცოტამ თუ იცის, რომ ეს მარტივი საშუალება
მხოლოდ ცოტა ხნით აუმჯობესებს განწყობას. თუ გსურთ,
ხანგრძლივი დროით მოახერხოთ მობილიზება, მაშინ,
ჯობია ჩვენი რჩევები გაითვალისწინოთ. |
|
|
|
|
დილაობით ორგანიზმის კოფეინით და შაქრით
დატვირთვის ნაცვლად, მოადუღეთ პიტნის ჩაი და ის
დალიეთ. ნაყენი ათ წუთს გააჩერეთ და შემდეგ
მიირთვით. ძალიან კარგია, ასევე, პიტნის ნაყენის
ორთქლის შესუნთქვა. მისი არომატი ენერგიის
მოზღვავებას იწვევს.
ჟენ-შენის მასტიმულირებელი და განწყობის გამაუმჯობესებელი თვისებები უკვე
დიდი ხანია, ცნობილია. მისი ნაყენის რეგულარულად
მიღება შემოდგომის პერიოდში ძალიან სასარგებლოა,
ის არა მარტო ენერგიასა და სიმხნევეს შეგმატებთ,
არამედ, მნიშვნელოვნად გაგიუმჯობესებთ იმუნიტეტს.
ამის შედეგად კი ორგანიზმი ზამთარში ადვილად
გაუმკლავდება ვირუსებს და დაცული იქნებით
გაციებისა და ხშირი გრიპისგან.
შვრიის ფაფის ჭამა ენერგიითაც აგავსებთ და ძალასაც მოგგვრით. მასში შემავალი
ზოგიერთი ნივთიერება ორგანიზმზე ისევე მოქმედებს,
როგორც ჟენ-შენის ნაყენი. კარგია, თუ მას
ყოველდღიურად მიირთმევთ.
C ვიტამინის უკმარისობა ორგანიზმში მთელ რიგ დარღვევებს იწვევს. ამ დროს კი
ორგანიზმი ნორმალური ცხოველმოქმედებისთვის
ენერგიის მარაგს ვერ აგროვებს. ეს რომ თავიდან
აიცილოთ, ხშირად ჩართეთ საკვებ რაციონში წიწაკა,
მოცვი, ცირცელი, ლიმონი, კივი და ფორთოხალი. |
|
|
|
|
|
|
|
