სამოდელო ბიზნესი ნელ-ნელა ამსხვრევს ჩარჩოებს. ახლა უკვე ვეღარავის გააკვირვებ ანდროგენი, პუტკუნა და ასაკოვანი მოდელებით.

 ახალი სენსაცია 10 წლის ფრანგი ტაილენ ლენა როუზ ბლონდო გახდა. დამწყებ მოდელს სამოდელო ბიზნესში უკვე დიდი გამოცდილება დაუგროვდა, 4 წლიდან საბავშვო კოლექციების რეკლამირებით. მას შემდეგ რაც Vogue-ში გამოჩნდა ფოტოსესია, სადაც ნორჩ მოდელს მაღალი ქუსლებით და მაკიაჟის საშუალებით ასაკი "მოუმატეს", მისი რეიტინგი და შემოსავლები ერთი-ორად გაიზარდა და აღიარებული იქნა როგორც ყველაზე მაღალანაზღაურებადი მცირეწლოვანი მოდელი მსოფლიოში.

 როგორც მოსალოდნელი იყო ამ ფოტოსესიამ დიდი გამოხმაურება ჰპოვა პრესაში, მათ შორის არც ისე დადებითი.  მას შემდეგ რაც ტაილენს ერთ-ერთ ამერიკულ შოუში გადაცემა მიუძღვნეს, მისმა დედიკომ ტაილენის Fcaebook-ის პირადი ანგარიში და ბლოგი გააუქმა.