ვის არ უოცნებია ბავშვობაში თუნდაც ერთხელ გამხდარიყო დისნეის საყვარელი ზღაპრის გმირი. საქორწინო კაბების ცნობილმა დიზაინერმა ალფრედ ანჯელომ გადაწყვიტა, რომ ოცნებები აასრულოს, ერთი დღით მაინც. რის შემდეგაც შეიქმნა საქორწინო კაბების კოლექცია სახელწოდებით Disney's Fairy Tales Weddings by Alfred Angelo.

 კაბების სერიის შესაქმნელად შთაგონების წყაროდ იქცნენ დისნეის ზღაპრების ცნობილი პრინცესები - კონკია, ავრორა, არიელი, ჟასმინი, ბელლი, ფიფქია, ტიანა.

 დიზაინერ მაიკლ შეტელმა კოლექციის შესახებ განაცხადა:

 მომავალი საპატარძლოები აღფრთოვანებულები არიან ჩვენს მიერ გამოშვებულ საქორწილო სერიაზე Disney Fairy Tale Weddings. განსაცვიფრებელი დიზაინისა და  დისნეის მაგიის მქონე არაჩვეულებრივი ზღაპრების შერწყმით ჩვენ შევქმენით არაჩვეულებრივი კოლექცია.

 კაბების დიზაინი ზუსტად იმეორებს პრინცესების კაბებს, რომლებიც მულტფილმებიდან გვახსოვს. ახალი კოლექცია უკვე გაყიდვაშია დიდი ბრიტანეთისა და ირლანდიის 63 მაღაზიაში. მათი ფასი საშუალოდ 599-იდან 1199 ფუნტ სტერლინგამდე მერყეობს.